నిన్నే నమ్మాను ఈ లోకమే శూన్యము
నాదంటూ ఏమి లేదు ఈ జన్న గాలి లోన దీపము
నిన్నే నమ్మాను ఈ లోకమే శూన్యము                                                ॥ కోరస్ ॥
నాదంటూ ఏమి లేదు ఈ జన్న గాలి లోన దీపము
నేను ప్రాణముతో ఉన్న అయ్యప్ప నిను చూసేందుకు
నేను ప్రాణముతో ఉన్న అయ్యప్ప నిను చూసేందుకు                             ॥ కోరస్ ॥ ॥నిన్నే నమ్మాను॥
నీ దరి చేర్చకుంటే ఆ తప్పే నీదిలే

నీవు దగ్గరి సొంతము అనుకున్నోలందరూ
నువ్వు అంతమై పోవాలని చూస్తూ ఉంటారు                                                ॥ 2 ॥
నీకు ప్రాణమైన చుట్టాలే నమ్ముకున్నోలందరూ
నిన్ను వెన్నుపోటు పొడిచి వెనకాల గోతులు తీస్తరు                                       ॥ 2 ॥
కపటముతో నటించే వాడ్ని దేవుడని అంటారు                                            ॥ 2 ॥
ఉన్నది ఉన్నటంటే మూర్ఖులంటారూ..                                                    ॥నిన్నే నమ్మాను॥

నీవు కట్టుకున్న బంగ్లా దాచిన ధనము వెంట రావురన్న
సోకులు చేసిన సొమ్ములు దింపుడు గల్లము వరకు అన్న                                 ॥ 2 ॥
పోయేటప్పుడు ఒంటరిగానే వెళ్లిపోతవన్నా
ఎంత మొత్తుకున్న చివరకు మొలతాడు ఉంచరన్న                                       ॥ 2 ॥
కళ్లు తెరువు ఓ మనిషి విర్ర వీగకు అంతా తెలిసి                                            ॥ 2 ॥
ఊరవతల ఉన్నది ఆరడుగుల ఇల్లు                                                         ॥నిన్నే నమ్మాను॥

తల్లిదండ్రులను ఆఖరి చూపులు చూడని కొడుకు బిడ్డలు
కన్నవాళ్లను చూడ నోచుకోని తల్లీ తండ్రులు                                                ॥ 2 ॥
మహమ్మారి కరోనా పురుగు చేసిన నష్టాలు
కరుణ లేని కలికాలం ఎవరికి సొంతం                                                         ॥ 2 ॥
నీయమ్ములైన పీయమ్ములైన రాజు మహారాజులైన                                         ॥ 2 ॥
విధి నిర్ణయ తుఫానులో మనుసులు సైతం                                                  ॥నిన్నే నమ్మాను॥