పచ్చా పచ్చని చెట్టురా చెట్టు మీద రామ చిలకరా
రామ చిలక నోట ఎల్లవేళలా స్వామి నామమే పలుకురా స్వామి నామమే పలుకురా
స్వామి నామమే పలుకురా                                                              ॥ పచ్చా పచ్చని ॥

ఒకానొక రోజున చిలక నా చెంతకు వచ్చెరా - స్వామి స్వామి అంటూ
నన్ను పేరు పెట్టి పిలవసాగెరా                                                        ॥ 2 ॥
ఏటమ్మ చిలకమ్మ ఏటని అడిగితే - ఏటమ్మ చిలకమ్మ ఏటని అడిగితే         ॥ 2 ॥
ఆకుల్లో తలపెట్టి వెక్కి వెక్కి ఏడ్చే                                                    ॥ పచ్చా పచ్చని ॥

చింత లేక చెట్టుపైన చిలక గోరింకలైన ఊసులాడుకుంటూ
ఈ ఊరే మరిచిపోయినది                                                                ॥ 2 ॥
అట్టి ఆ జంటను బోయవాడు చూసెను
చిలకమ్మను చూసి విల్లు ఎక్కుపెట్టెను
అది చూసి గోరింక చిలకకు అడ్డొచ్చెర
గోరింక కంటికి గాయమైనాదిరా
గోరింక కంటి చూపు చిలుకకు కరువయ్యేర                                            ॥ పచ్చా పచ్చని ॥

గాయమైన గోరింకకు అన్నీ తానైనది
తన కంటితోనె లోకాన్ని చూపుచున్నది
రామ చిలక ఒకనాడు స్వామి పూజ చూచెను
పూజలోన గురుస్వామి మహిమలెన్నో చెప్పెను                                     ॥ 2 ॥
నడువ లేని వారు కొండ నడిచి వెళ్లారని
మాట రాని వారు పాట పాడుతున్నారని
చూడలేని వారు జ్యోతి చూచుచున్నారని                                              ॥ పచ్చా పచ్చని ॥

అట్టి ఆ రామ చిలక స్వామి మాల వేయమని
నన్ను వేడుకున్నది బ్రతిమలాడుకున్నది                                           ॥ 2 ॥
మండల వ్రతమును మరువక చేతునని
తన ఇరుముడిని నా తల మీద ఉంచమని                                          ॥ 2 ॥
ఇరుముడిలోన తన గోరింక వచ్చునని
మహిమ గల మణికంఠుని కనులారా గాంచమని
ఆ జ్యోతి దర్శనం గోరింకకు చూపమని                                                ॥ పచ్చా పచ్చని ॥