Loading
హరివరాసనం విశ్వమోహనం
హరిదధీశ్వరం ఆరాధ్యపాదుకమ్ |
అరివిమర్దనం నిత్యనర్తనం
హరిహరాత్మజం దేవమాశ్రయే ||
'' శరణమయ్యప్ప-1 "
శరణకీర్తనం శక్తమానసం
భరణలోలుపం నర్తనాలసమ్ |
అరుణభాసురం భూతనాయకం
హరిహరాత్మజం దేవమాశ్రయే ||
'' శరణమయ్యప్ప-2 "
ప్రణయసత్యకం ప్రాణనాయకం
ప్రణతకల్పకం సుప్రభాంచితమ్ |
ప్రణవమందిరం కీర్తనప్రియం
హరిహరాత్మజం దేవమాశ్రయే ||
'' శరణమయ్యప్ప-3 "
తురగవాహనం సుందరాననం
వరగదాయుధం వేదవర్ణితమ్ |
గురుకృపాకరం కీర్తనప్రియం
హరిహరాత్మజం దేవమాశ్రయే ||
'' శరణమయ్యప్ప-4 "
త్రిభువనార్చితం దేవతాత్మకం
త్రినయనప్రభుం దివ్యదేశికమ్ |
త్రిదశపూజితం చింతితప్రదం
హరిహరాత్మజం దేవమాశ్రయే ||
'' శరణమయ్యప్ప-5 "
భవభయాపహం భావుకావహం
భువనమోహనం భూతిభూషణమ్ |
ధవళవాహనం దివ్యవారణం
హరిహరాత్మజం దేవమాశ్రయే ||
'' శరణమయ్యప్ప-6 "
కలమృదుస్మితం సుందరాననం
కలభకోమలం గాత్రమోహనమ్ |
కలభకేసరీ-వాజివాహనం
హరిహరాత్మజం దేవమాశ్రయే ||
'' శరణమయ్యప్ప-7 "
శ్రితజనప్రియం చింతితప్రదం
శ్రుతివిభూషణం సాధుజీవనమ్ |
శ్రుతిమనోహరం గీతలాలసం
హరిహరాత్మజం దేవమాశ్రయే ||
శరణం అయ్యప్పా స్వామి శరణం అయ్యప్పా |
శరణం అయ్యప్పా స్వామి శరణం అయ్యప్పా |
|| ఇతి శ్రీ హరిహరాత్మజాష్టకం సంపూర్ణమ్ ||
This is an informational site for ayyappa devotees powered by Deccan Spark Technologies
+91 7799 121 321